إستكمالا لسلسة الأسئلة الشائعة بعيادات أمراض الدم.....
أنا اتشخصت إن عندى أنيميا تكسيرية مناعية ، دي معناها إيه يا دكتور وإيه أسبابها و تتعالج إزاي ؟
- الأنيميا التكسيرية المناعية معناها إن الجهاز المناعي للمريض بيتعرف علي خلايا الدم الحمراء علي أنها جسم غريب و بالتالي عليه التخلص منها و يتم ذلك بتكسيرها.
- ودي بتنتج عن أسباب كتيرة :
- منها تناول الأدوية و خصوصا المسكنات و بعض المضادات الحيويه وبعض أدوية الضغط.
- أو تناول أي مواد كيماوية أو تناول الأعشاب سواء للتخسيس أو لأي غرض آخر.
- أو تنتج من الإصابة بأمراض مناعية مثل الذئبة الحمراء أو غيرها.
- أو تنتج أو تتزامن مع بعض الأورام سواء أورام الدم أو غيرها.
- أو تحدث نتيجة الإصابة ببعض الأمراض الفيروسية أو بعض الميكروبات وخصوصا المسببة للإلتهابات الرئوية.
- و أحيانا تكون منعدمة الأسباب أو بدون سبب واضح.
- وتعالج أو لا بعلاج السبب بالإضافة إلي عقار الكورتيزون و ربما يحتاج بعض المرضى للأدوية المثبطة للمناعة و ربما يحتاج بعضهم لعمل جلسات فصل و إستبدال البلازما أو إستئصال الطحال.
مع تمنياتنا بالشفاء العاجل للجميع و إلي لقاء آخر.
أ.د/ عاطف طه
أستاذ الباطنة وأمراض الدم - جامعة طنطا