بداية هنستعرض بعض الحقائق المثبتة علميا:

• الحقيقة الأولى: أكثر من 422 مليون شخص يعانون من مرض السكري علي مستوى العالم.
• الحقيقة الثانية:  مرض السكري هو المسبب الأول لمرض القصور الكلوى المزمن في مصر والعالم علي حد سواء.

السؤال الأول:  ليه مرض السكري ممكن يسبب قصور كلوى مزمن ؟ 

• كل كلية في جسم الإنسان بتحتوى على مليون وحدة وظيفية تسمى النفرون واللي بيحتوى بدوره علي أوعية دموية صغيرة تسمي كبيبات الكلي.
•  وجود مرض السكري لفترة طويلة او أرتفاع نسبة السكر في الدم بيتسبب مع الوقت في تدمير الأوعية الدموية الصغيرة في الكلي, مش بس كدة لكن كمان أغلب مرضي السكري بيعانون من إرتفاع ضغط الدم واللي بدوره بيزود حدوث القصور الكلوى.

السؤال التاني: إيه العوامل اللى ممكن تزود حدوث القصور الكلوى في مرضي السكري؟ 

• من اهم العوامل اللى بتزود  فرصة حدوث القصور الكلوى إرتفاع مستوى السكر بالدم أو طول فترة الاصابة بمرض السكر بالاضافة الى إرتفاع ضغط الدم و التدخين و أمراض السمنة و أمراض القلب و الأمراض الوراثية بالكلي.

• معظم الحالات مش بتشتكي من أى أعراض مرضية إلا في المراحل المتقدمة من القصور الكلوى لكن دة لا ينفي وجود قصور كلوى وهنا بيكون الحل لإكتشاف حدوث تضرر بالكلي هو المتابعة بتحليل البول وقياس معدل الألبيومين: الكرياتينين وتحليل نسبة البولينا والكرياتنين بالدم .

• في حالة السكري من النوع الأول : تبدأ المتابعة من بعد 5 سنوات من تشخيص مرض السكري.
• في حالة السكري من النوع الثانى : تبدأ المتابعة فور تشخيص مرض السكري وتستمر المتابعة بمعدل سنوى علي الأقل.

السؤال الخامس: وهنا دور السؤال الأهم !! إزاى أقدر أحمي كليتي ؟

• المتابعة الدورية هتساعدك في الإكتشاف المبكر لتضرر الكلي وبالتالى منع وتأجيل حدوث القصور الكلوى المزمن بالإضافة إلي المحافظة علي نسبة السكر بالدم  وضغط الدم في المعدلات الطبيعية والتوقف عن التدخين وإتباع نظام غذائي صحي وممارسة الرياضة والتخلص من زيادة الوزن.

السؤال السادس: لو حصل قصور كلوى مزمن نتيجة مرض السكري هيكون الحل ايه ؟

• مراجعة طبيبك بصورة دورية في المرحلة دى مهم جدا مش بس علشان نحمي الكلي ونوقف الضرر الناتج من السكر لكن كمان لأن تعديل جرعات الأدوية سواء كانت الأدوية الخاصة بمرض السكري أو الأدوية الأخري يجب أن يتم تحت إشراف الطبيب المختص .