عندى تكسير فى الدم ..البول بتاعى أحمر.. عينى صفرا يا دكتور.. دى شكوى بنسمعها كتير فى عيادة أمراض الدم...

• يعنى ايه تكسير فى الدم: الأنيميا التكسيرية، هى نوع من أنواع الأنيميا اللى ممكن تكون وراثية والمريض بيتعالج من صغره وغالبا بينقل دم كل فترة وعنده تاريخ عائلى. 
• ولكن أحيانا يكون سبب الأنيميا التكسيرية سبب مكتسب. يعنى تيجى في أى وقت فجأة وبدون مقدمات والمريض يشتكى من:
• هبوط و ضعف عام وشحوب فى الوجه واصفرار في العين والبول يبقى غامق والهيموجلوبين يقل بسرعة وممكن يحصل اغماء وقد تؤدى للوفاة. 
• عشان كده لازم نستشير طبيب متخصص عشان نعرف أسباب الأنيميا التكسيرية لأن كل نوع له علاج معين وأحيانا نقل الدم لوحده بيكون غير كافى. 
• ولازم التدخل الطبى والتشخيص يكون سريع جدا.