هل كل الحوامل اللى عندهم أنيميا لازم ياخدوا حديد؟

•  نقص الهيموجلوبين أو الأنيميا شيء وارد الحدوث فى نسبة كبيرة من الحوامل بسبب تغيرات هرمونية فسيولوجية بتحصل مع الحمل وبتسبب أنيميا بسيطة أو بسبب سوء التغذية خصوصا عند السيدات اللى بيعانوا من القيء المستمر فى أول الحمل لو متعالجوش سريعا و تم تعويض الجسم بالفيتامينات.
•  من أشهر أنواع الأنيميا مع الحمل هو أنيميا نقص الحديد، وهو ده النوع اللى بنعالجه بأقراص أو محاليل الحديد وطبعا بعد التأكد بالفحوصات أولا.

 لكن مهم جدا نعرف ان فيه أسباب تانية للأنيميا مع الحمل، ولا يتم علاجها بواسطة تحسين الأكل أو أدوية الحديد، مثل:

•  أنيميا تكسيريه مناعيه.
•  أنيميا البحر الأبيض المتوسط  أو الأنيميا المنجلية.
•  أنيميا فشل النخاع وغيرهم.

•  وهذه الأنواع من الأنيميا تحتاج متابعة للتشخيص والعلاج المتخصص بواسطة طبيب أمراض الدم بالتنسيق مع طبيب أمراض النساء لحمايه الأم والطفل من أي تدهور واكمال الحمل بشكل آمن.
•  عشان كده ننصح أى حامل تعانى من أنيميا لاتستجيب لتحسين الأكل والفيتامينات المعتادة التى يصفها طبيب النساء بإستشارة طبيب مختص لتحديد سبب ونوع الأنيميا قبل أخذ جرعات حديد أو تجربه أى علاجات وذلك حفاظا على سلامة الأم والطفل.
•  وننصح أطباء النساء بعدم الاعتماد على نسبة الهيموجلوبين فقط، بل لابد من صورة دم كاملة فى متابعة الحامل.

 دمتم بصحة وعافية....