الهيموجلوبين عالى يبقى لازم تتبرع بالدم ..هل صح ولاغلط؟

• كلنا نسمع عن الأنيميا أو نقص نسبة الهيموجلوبين فى الدم، لكن فيه حالة تانيه عكس الأنيميا بتزيد فيها نسبه الهيموجلوبين نتيجة زيادة انتاج كرات الدم الحمراء من النخاع، وهنا الشخص يلاقى فى صورة الدم الهيموجلوبين عالي زى 17 أو 18 أو أكتر.
• وممكن يجيله أعراض زى:
  • صداع، ارتفاع ضغط الدم، طنين فى الأذن، حكة بالجسم خصوصا بعد الاستحمام وأحيانا ارتفاع بنسبه اليورك أسيد أو حدوث جلطات.
    
• ارتفاع الهيموجلوبين وكرات الدم الحمراء بيسبب زيادة فى لزوجة الدم وبالتالى المريض بيكون معرض لخطر تكون جلطات لو لم يتم علاجه بصورة صحيحة.
  
• فيه أسباب كتيرة:
  • زى التدخين أو التواجد فى أماكن يقل فيها الأكسجين.
  • بعض أمراض القلب والرئة مثل انسداد الشعب الهوائية المزمن أو أحيانا بسبب أورام حميدة أو خبيثة. 
  • وممكن يكون نتيجة خلل جينى يؤدى لزيادة انتاج كرات دم حمراء من النخاع.
    

• العلاج بيختلف حسب السبب:
  
  • أول خطوة وقف التدخين. 
    
  • بعض المرضى، ممكن ننصحهم بالتبرع بالدم بطريقة وجدول زمنى معين بجانب العلاج الدوائى لأن التبرع بدون اشراف طبى ممكن يكون ليه أضرار.
    
  • الفحص الطبى والتاريخ المرضى مع بعض الفحوصات لمعرفة السبب.
    
  • لو بتعانى من زيادة الهيموجلوبين أكتر من النسب الطبيعية فى صورة الدم، استشير الطبيب لمتابعه حالتك.
    

 دمتم بصحة وعافية....