خمس حقائق عن عينة النخاع العظمى اللى بتخوف كل الناس بدون داعى.....

• أولا لازم نعرف إن النخاع العظمى يوجد بداخل العظام ولا علاقة له بالحبل الشوكى الموجود داخل العمود الفقرى (سلسلة الضهر). 
  
• عينة النخاع أو بذل النخاع العظمى، بيطلبها طبيب متخصص فى أمراض الدم لتشخيص بعض الأمراض الحميدة أوالخبيثة وده لأن النخاع هو مصنع خلايا الدم الحمراء والبيضاء والصفائح الدموية.
  
• عينة أو بذل النخاع العظمى مش بتتاخد من الظهر ولا تؤثرعلى الأعصاب ولا تسبب الشلل. 
  
• بذل النخاع بيتم عمله بإبرة معينة معقمة من مكانين إما عظمة القص الأمامية فى القفص الصدرى أو آحدى عظمتى الحوض.
  
• بذل النخاع العظمى بيتم فى المعمل عن طريق طبيب تحاليل متخصص وبيكون بتخدير موضعى أو كلى فى بعض الأحيان.
  
• أخذ عينة النخاع قد يصاحبها ألم أو كدمة بسيطة فى مكان العينة يتحسن باستخدام بعض مسكنات الألم وليس لها أضرار جانبية خطيرة تذكر.
  

عشان كده مفيش داعى نخاف أو نرفض نعملها ولا نسمع للإشاعات عن عينة النخاع لأنها أحيانا بتكون ضرورية جدا للتشخيص ونتايجها ممكن تغير خطة العلاج.  

دمتم بصحة وعافية....