أسئلة كتيرة بتقابلنا عن مخزون الحديد أو الفيرتين .....  

• يا دكتور أنا عملت تحليل مخزون حديد وطلع عالى جدا يا ترى إيه السبب؟ عندى أنيميا لكن مخزون الحديد عالى؟ بأخد محاليل حديد كتير وأقراص والأنيميا مش بتتصلح ومخزون الحديد بيعلى؟ الفيرتين بتاعى عالى، هل ليه أضرار؟
  

أول معلومه النهاردة

• مينفعش ناخد حديد بدون تحليل يؤكد إن مخزون الحديد قليل لأن كثرة استخدام مكملات الحديد بدون سبب طبى قد تسبب ارتفاع فى مخزون الحديد بالدم.
  
• فيه أسباب طبيه كتيرة تسبب أنيميا مع ارتفاع مخزون الحديد بعضها وراثية وده يظهر فى سن صغير وبعضها مكتسب، مثل:
  

• الأنيميا التكسيرية الوراثية أو المناعية مثل أنيميا البحر المتوسط، الأنيميا المنجليه.
• التهابات المفاصل المزمنة مثل الروماتويد أو الذئبة الحمراء. 
• اضرابات الغدة الدرقيه قبل العلاج.
• أمراض الكلى والكبد والقلب المتقدمه.
• أنيميا تليف وفشل النخاع. 
• أى التهابات أوعدوى بكتيرية أو فيروسيه حديثة لم يتم علاجها.
• نقل الدم المتكرر لأى سبب.
• بعض أنواع الأورام.
  

• زيادة الحديد بالدم عن حد معين ليها أضرار بسبب ترسب الحديد فى أعضاء الجسم ولكن أولا الطبيب لازم ياخد تاريخ مرضى ويعرف السبب و يحدد هل رقم الفيرتين خطر أم لا ويستلزم علاج أم لا.
• مش كل ارتفاع فى مخزون الحديد نقلق منه لأنه ممكن يكون ارتفاع مؤقت فى حالات العدوى أو الالتهابات أو يكون ارتفاع مزمن وهنا يستلزم العلاج بأدوية لخفض نسبة الحديد بالدم.
  

الأعراض بتكون فى حالات ارتفاع الحديد المزمن وأرقام عاليه مثل:

• آلام بالمفاصل، قيء، آلام بالبطن، تغير لون الجلد، قرح بالساقين بدون سبب واضح وارتفاع سكر الدم وغيرها....
  
  

دمتم بصحة وعافية....