امتى تقلق من تضخم الغدد الليمفاوية؟
- الغدد الليمفاوية ليها دور حيوي في إن الجسم يقدر يكافح العدوى وبتبقى خط دفاع ضد الفيروسات والبكتيريا قبل ما تصيب أجزاء تانيه من الجسم.
- المناطق الشائعه اللي بتورم فيها الغدد الليمفاوية هي (الرقبة - تحت الإبطين - الفخذ)
- تضخم الغدد الليمفاويه فالأغلب بيحصل بسبب العدوى زي التعرض للبكتيريا أو الفيروسات و نادرًا لما يحصل بسبب السرطان.
- علاج الغدد الليمفاويه بيعتمد على السبب وساعات بتكون الكمادات الدافية والمتابعة علاج كافي.
طب إيه هي العلامات الي تقلق وتحتاج لزياره الطبيب؟
- تضخم الغدد الليمفاويه من غير سبب واضح.
- استمرارها لمده تتراوح بين أسبوعين لأربع أسابيع.
- لو ملمسها شديد الصلابه.
- مصاحب ليها إرتفاع في درجة الحراره، عرق ليلي، فقدان شديد في الوزن.
د/رغدة جبر مشعل
مدرس و إستشاري أمراض و أورام الدم و زرع النخاع - كلية الطب- جامعة طنطا.