أعرف أكتر عن أمراض الدم الوراثية

تعرف إيه عن الهيموفيليا؟؟

• الهيموفيليا، هو مرض وراثى وسببه نقص أحد عوامل التجلط وبالتالى الدم مش بيتجلط بشكل طبيعى وبيفضل المريض ينزف فترة أطول.
  
• فيه تلات أنواع من الهيموفيليا وأشهرها فى مصر هيموفيليا أ (نقص عامل تجلط رقم 8) وهيموفيليا ب (نقص عامل تجلط رقم 9)  وكل واحد له علاج مختلف.
  

• الذكور هم المعرضين للإصابه بالمرض بشكله العنيف وبيحتاجوا علاج دائم طول العمر، لكن الإناث دائما بيكونوا حاملين للمرض فقط بدون أعراض ومش بيحتاجوا علاج إلا فى حالات نادرة جدا ممكن يصابوا بالمرض فعلا.
  

أعراض المرض:

• نزف كتير من أى جرح ولو بسيط والأطفال الذكور بيبدأ معهم النزف فى عمليات الطهارة أو أثناء اللعب أو بعد خبطات خفيفة وأحيانا النزف بدون سبب ويحصل تورم شديد وآلام وكدمات فى المفاصل والعضلات وممكن يتشخص غلط إنه كسر للأسف.
  
• التوعية بأعراض المرض ضرورية حتى يتم اكتشافه مبكرا قبل الوصول لمرحلة تيبس المفاصل ومشاكل العضلات أو النزف المميت.
  

العلاج

•  العلاج بيكون طول العمر بتعويض عامل التجلط الناقص بطرق مختلفة.
• وأهم خطوة فى العلاج هى الوقاية من النزف.
• لازم توعية للمرضى بداية من المدارس إن فيه نشاطات معينه فيها احتكاك أو عنف مينفعش يشترك فيها وكذلك توعية للمرضى البالغين.
• أى تورم أو ألم في المفاصل أو آلام بالبطن أو نزيف لازم التوجه لطبيب أمراض الدم فورا.

استشير طبيب أمراض الدم

• قبل إجراء أى تدخل جراحى أو في الأسنان لوضع بروتوكول علاجى وتحديد الجرعة التعويضية من عامل التجلط قبل الإجراء الطبى عشان تحمى نفسك من نوبات النزف.
  
• استشارات ما قبل الزواج وأخذ تاريخ مرضي ل عائلات الزوجين قد تحمى طفل أنه يكبر وعنده تيبس مفاصل أو يفقد القدرة على الحركة وتحمى أسرة من معاناة الهيموفيليا.

بقلم د/ منى محروس 

استشارى ومدرس أمراض وأورام الدم وزرع النخاع - كلية الطب - جامعة طنطا 

طنطا (مركز الندى) برج بلازا أمام الباب الرئيسي لمستشفى المنشاوي العام الدور الأول علوى (أ) العباس سكان 

مواعيد العمل: السبت والأربعاء من الساعة 12-2

للحجز والاستعلام 0403272988 - 01205600905 - 01094370412